من نحن
مكتب كويتي يتولى معاملاتك الحكومية من أول ورقة لآخر توقيع.
قصتنا
دايركت مكتب كويتي متخصص في تخليص المعاملات الحكومية. نشتغل بين المراجع والجهة الحكومية، ونتولى الأوراق والنماذج والمراجعات والمتابعة، لين المعاملة تنتهي.
من يوم ما بدينا وهدفنا واحد، إن المراجع ما يحتاج يضيع دوامه ولا يدور على أحد يشرح له الإجراء.
اليوم نخدم أفراداً وشركات في الكويت، ونغطي الإقامات والتأشيرات والرخص التجارية والبطاقة المدنية وإجراءات الوزارات. وبدينا كذلك ننقل خبرتنا في دورات مصوّرة، للناس اللي يبون يسوونها بأنفسهم ويعرفون الطريق الصح.
كيف نشتغل
نسمع طلبك
تقول لنا شنو تحتاج، ونقولك الإجراء الصح والمستندات المطلوبة والتكلفة قبل ما نبدأ.
نجهّز الأوراق
نراجع مستنداتك ونعبّي النماذج ونتأكد إن كل شي مكتمل قبل التقديم، لأن أغلب التأخير يصير من ورقة ناقصة.
نمشي الإجراء
نقدّم الطلب ونتابعه مع الجهة الحكومية، ونعالج أي ملاحظة تطلع بدون ما ترجع تدور.
نبلّغك ونسلّم
أول ما تخلص المعاملة نتصل بك ونتفق على طريقة التسليم.
الترخيص والسجل
دايركت هو الاسم التجاري اللي نشتغل به. البيانات المسجلة رسمياً كما يلي.
- الاسم المسجّل
- مركز الكويت للأعمال / شركة ادورا الذهبية
- رقم الترخيص
- 2024/1232
- السجل التجاري
- 494277
جاهزين نبدأ معاملتك
شوف قائمة خدماتنا وأسعارها، أو كلّمنا إذا معاملتك مو موجودة في القائمة.